Скиллстек МСҮТ нь 2015 оноос Өмнөговь аймгийн Ханбогд суманд байрлан мэргэжлийн боловсрол, сургалтын үйл ажиллагаа эрхэлдэг бөгөөд орон нутгийн иргэд, залууст дэлхийд зөвшөөрөгдсөн техникийн мэдлэг ур чадварыг эзэмшүүлэх, ажил хөдөлмөр эрхлэх боломжийг бүрдүүлэх, мэргэжлийн боловсролын салбарт сургалтын шинэ технологи, стандартуудыг нэвтрүүлэх зорилготой ажилладаг.
Бид өөрсдийн МСҮТөвөөр дамжуулан Гагнуурчин, Цахилгаанчин, Механик засварчин зэрэг мэргэжлүүдээр мэргэжил эзэмшүүлж Монгол улсын мэргэжлийн үнэмлэх олгохоос гадна Австралийн MEM20105 инженерийн II сертификат олгох сургалтыг цахим MOODLE систем ашиглан явуулж байна. Сургалтын хөтөлбөр нь Австрали улсын Холмесглен олон улсын институт сургууль, Монгол улсын МБСургалтын чадамжид суурилсан сургалтын хөтөлбөрөөр 9 сарын хугацаанд онол 20 хувь, дадлага 80 хувийн зохистой харьцааг баримталж иргэдэд мэргэжил эзэмшүүлэх, дараагийн шатны сургалтанд хамруулж ажлын байраар ханган ажилладаг.